.png)
UNSERE BAND
Simone
d simone isch usbildeti tätschmeisterin EFZ. ohni si wäremer immer zur falsche ziit am falsche ort, mit em falsche equipment. danke band-mami! <3 ah ja: klavier spielt sie imfall au uhuere guet.
Hektor
wenn de hektor improvisiert, chan er sich meistens nümm hebe. sini spielwiis isch glatt und makellos wie sini glatze, und er bringt jedes mal gueti luune ufd bühni.
Younis
wo de lenny kravitz gnueg gha hät vo de internationale bühni, isch er bi üüs sänger worde und nännt sich jetz Younis. zum glück häts no niemer gmerkt.
Marius
wänn er nöd grad am üebe isch, luegt de Marius youtube-videos. sehr viel youtube-videos. zum glück hät er jetz agfange schlagzüg-stunde nee.
Lucien
de lucien isch wohl de einzig gitarrist, wo sin amp mit em velo-ahänger zum gig bringt. aber es blibt em nüt anders übrig, will er sust wider die ganz band-gage für d schwarzfahr-buess liggelaat.
Reto
reto gervais, oise innerschwizer ade eifache gitarre, ade lache muser no bitz schaffe, aber susch chunnter ganz nach em vatter.